طريقة عمل الطعمية المصرية(الفلافل)
الطعمية المصرية او الفلافل اكلة مشهورة جداا و مزاقها شهي جدا ..
مكوناتها سهلة و غير مكلفة وتصد معاكي ع الفطار و العشا ….
المكونات : من نص كيلو ل كيلو فول مدشوش من العطار
بصلة كبيرة .. راس ثوم كبيرة
كمون ناعم .. ملح .. فلفل اسمر
كرات بلدي
اضافات اختياريه :
كوباية حمص شام منقوعه
شطه ناعمة
شبت .. كزبرة خضراء بقدونس
الطريقة :
هاننقع الفول و (الحمص لو هانستخدم الحمص )حوالي ست ساعات و نغير المية عليهم اول باول
ف الكبة هانفرم البصل و التوم
وبعد مايتفرموا كويس نضيف عليهم الحمص و نفرم و بعدين نضيف الفول المدشوش و نفرم لحد ما تبقي ناعمة و منفووشة و نضيف البهارات و بس كدة
بتقسمي الكمية دي في اكياس علي قد الاستخدام و تتشال ف الفريزر و تطلع قبل الاستخدام بساعتين تفك و بعدين تضيفي رشة صغيرة جداا من الكربوناتو (بيكربونات الصوديوم) هانلاقيها عند العطار و نبدا نشكل العجينة علي هيئة اقراص و ممكن نضيف لها السمسم و نقليها ف زيت متوسط الحرارة
ملحوظه : لو حابين لونها اصفر فاتح مش بنضيف خضرة كتير و ممكنم نستغني عن الخضرة خالص لكن الخضرة ف العموم بتدي طعم ممتاز
وممكن تحشيها جبنة موتزاريلا وتقليها زي كدة
او ممكن نكورها عل بيض مسلوق و نقليها زي كدة
او نحشيها بالبسطرمة او بالحشو العادي لو حابينها سبايسي ..
وبالف هنا عليكو