ظهور سلالة جديدة متحولة من فيروس كورونا
النهاردة جايبلكم خبرين عن الكورونا ،،
💚 خبر حلو و 💔 خبر وحش
One good news and one bad news
🔴 نبتدي بالخبر الوحش ،،
في دراسة انتشرت النهاردة بتقول ان فيروس كورونا اتحور الى سلالتين ،، واحدة عنيفة و عدوانية ومميتة (strain L) و التانية اخف بكتير و اقل عدوانية (strain S) ،، بس متقلقوش ،،
هقولكم ليه منقلقش ،، مش بس منقلقش ،، و نطمن كمان زيادة
💚 لأن الخبر الحلو بيقول ،،
ان السلالة العنيفة و الخطيرة Strain L (واللي كانت مسؤلة عن معظم اصابات ووفيات الصين و في مدينة وهان بالتحديد) ابتدت في الانحسار جدا و ده بسبب جهود الصين اللي قدرت تحتوي الوباء فيها ،، و ده برضو بيفسر ليه عدد الحالات الجديدة و الوفيات في الصين في تناقص يومي مستمر )
اما السلالة الثانية Strain S اللي هي قدرتها على الانتشار و العدوى برضو اقل هي المسؤولة عن معظم الحالات خارج الصين و بالتالي المصابين الجدد هيعانوا من اعراض اخف بكتير (وده بيفسر جزئيا برضو ليه معدل الوفيات قل من ٣.٥٪ ل ٢٪ و اخيرا ل ١٪ حاليا) و متوقع ان شاء الله يقل زيادة كمان ،،
يعني حتى لو سمعنا عن زيادة في اعداد المصابين خارج الصين ،، هنسمع ان شاء الله عن اعداد اقل من الحالات الحرجة و الوفيات والمضاعفات ،،
💚 وهنا تتجلى حكمة ربنا و رحمته ،، ان دايما المرض القاتل أقل عرضة للانتشار ،، مش بس كده لو في نوعين من نفس المرض النوع الأخف هتلاقوه هو الاكثر شيوعا (الكلام ده مش في الكورونا بس على فكرة ،، ده في كل الامراض تقريبا و السادة الاطباء فاهمين و عارفين الكلام ده كويس جدا)
🖐🏼 الخلاصة ،، الأخبار و الدراسات اللي بتطلع يوم بعد يوم عن الكورونا بتطمنا كل يوم عن اليوم اللي قبله ،، و ما زلت عند اعتقادي (الشخصي) ،، ان الموجة دي هتنحسر ان شاء الله في شهر ابريل لأن ده الطبيعي و المفروض طبيا مع الفيروسات التنفسية و مفيش حاجة مؤكدة تدل انه فيروس الكورونا هيشذ عن القاعدة دي
طيب حضرتك بتقول موجة ؟! هل يعني هيبقى فيه موجة تانية بعد كده ؟!
من المتوقع اه مع بداية الشتاء القادم ،، بس هتكون ان شاء الله اخف كتير جدا من الموجة دي لأسباب كتير يطول شرحها
